ஷா ஆலாம், மே 9: டத்தோ ஸ்ரீ அமிருடின் ஷாரி டத்தோ மந்திரி புசார், செலாயாங்கில் PSPK மகளிர் மேம்பாட்டு மையம் (Women Development Centre) ஏற்பாடு செய்த அன்னையர் தின கொண்டாட்டத்தில் 200-க்கும் மேற்பட்ட தாய்மார்கள் மற்றும் பெண்களுடன் இணைந்து கலந்து கொண்டார்.
20 ஆண்டுகளுக்கும் மேலாக பெண்களை வலுப்படுத்தவும் சமூகத்தினருக்கு ஆதரவளிக்கவும் PSPK ஆற்றி வரும் பணி பாராட்டுக்குரியது என்று அவர் தெரிவித்தார்.
பெண்கள் மேம்பாடு, சமூக ஆதரவு மற்றும் உதவி தேவைப்படுவோருக்கான பாதுகாப்பு போன்ற துறைகளில் அந்த அமைப்பு தொடர்ந்து மேற்கொண்டு வரும் முயற்சிகள், நிலையான வளர்ச்சி இலக்குகள் (SDG) திட்டத்திலும் அங்கீகரிக்கப்பட வேண்டியவை என்றும் அவர் கூறினார்.
“தாய்மார்களை கௌரவிப்பதிலும், சிறந்த எதிர்காலத்தை உருவாக்குவதிலும் அவர்கள் மேற்கொள்ளும் முயற்சிகள் மரியாதைக்குரியவை,” என்று அவர் தனது Facebook பதிவில் குறிப்பிட்டார்.
மேலும், சமூகத்தை வலுப்படுத்துவதிலும், சிலாங்கூரில் பெண்கள் மற்றும் குடும்பங்களுக்கு ஆதரவளிப்பதிலும் தொடர்ந்து அர்ப்பணிப்புடன் செயல்பட்டு வரும் PSPK உறுப்பினர்களுக்கு அமிருடின் தனது நன்றியையும் தெரிவித்தார்.
“சமூகத்தை மேம்படுத்தவும், பெண்கள் மற்றும் குடும்பங்களை ஆதரிக்கவும் தொடர்ந்து அர்ப்பணிப்புடன் செயல்பட்டு வரும் PSPK-வின் அனைத்து உறுப்பினர்களுக்கும் நன்றி,” என்றார்.
அதேவேளை, அனைத்து தாய்மார்களும் நல்ல ஆரோக்கியம், மனவலிமை மற்றும் குடும்பத்தினருடன் மகிழ்ச்சியான வாழ்க்கை பெற வேண்டும் என்றும் அவர் வாழ்த்தினார்.
“ஒவ்வொரு தாயாரும் தொடர்ந்து ஆரோக்கியம், வலிமை மற்றும் அன்புக்குரியோருடன் மகிழ்ச்சி பெற்றிட இறைவன் அருள்புரியட்டும். இனிய அன்னையர் தின நல்வாழ்த்துகள்,” என்று அவர் கூறினார்.
