புத்ராஜெய்யா, ஆகஸ்ட் 17 - கோலாலம்பூர் சர்வதேச விமான நிலைய முனையம் 2 (KLIA2) புறப்படும் மண்டபத்தில் இந்தோனேசிய பெண் ஒருவர் நேற்று குடிவரவு அதிகாரிகள் அவரது பாஸ்போர்ட் சந்தேகத்திற்கிடமான பாதுகாப்பு முத்திரை கண்டுபிடித்ததை அடுத்து தடுத்து வைக்கப்பட்டார்.
ஜோகூரின் தஞ்சோங் குபாங்கில் உள்ள சுல்தான் அபு பக்கர் வளாகத்தில் குடியேற்றம் மூலம் அந்தப் பெண் மலேசியாவுக்குள் நுழைந்ததாக முதற்கட்ட விசாரணையில் கண்டறியப்பட்டதாக மலேசிய எல்லை கட்டுப்பாட்டு மற்றும் பாதுகாப்பு நிறுவனம் (ஏ. கே. பி. எஸ்) தெரிவித்துள்ளது.
"இருப்பினும், மைஐஎம்எம் அமைப்பு வழியாக மேலும் சோதனைகள் மேற்கொண்டதில் இந்த ஆண்டு வரை இந்த பாஸ்போட்டுக்கு நுழைவு அல்லது வெளியேற்றம் குறித்த அதிகாரப்பூர்வ பதிவுகளைக் காட்டவில்லை" என்று அது இன்று ஒரு அறிக்கையில் தெரிவித்துள்ளது.
இதைத் தொடர்ந்து, குடிவரவுச் சட்டம் 1959/63 இன் கீழ் குற்றம் செய்ததாக சந்தேகத்தின் பேரில் அந்தப் பெண் கைது செய்யப்பட்டதாக ஏ. கே. பி. எஸ் கூறியது.
அந்த அறிக்கையின்படி, அந்த நபர் மேலதிக விசாரணை மற்றும் நடவடிக்கைகளுக்காக சிலாங்கூர் குடிவரவுத் துறையின் அமலாக்கப் பிரிவில் ஒப்படைக்கப்படுவார்.
முத்திரைகள் இட்டதற்கு பொறுப்பானவர்களை அடையாளம் காண இந்த விவகாரம் மேலும் விசாரிக்கப்படும் என்றும், சம்பந்தப்பட்ட அதிகாரிகள் மீது ஒழுங்கு நடவடிக்கை எடுக்கப்படும் என்றும் ஏ. கே. பி. எஸ் கூறியது.
நாட்டின் நுழைவு இடங்களின் பாதுகாப்பு மற்றும் ஒருமைப்பாட்டைப் பராமரிக்க பயண ஆவணம் பொய்யாக்க படுவதையும், எந்தவொரு குடிநுழைவும் சட்ட மீறுதலையும் எதிர்த்துப் போராடுவதற்கான முயற்சிகள் தீவிரப் படுத்தப்பட வேண்டும் என ஏ.கே.பி.எஸ் வலியுறுத்தியது.
