புத்ராஜெயா, டிச 16- ஆர்.டி.எம். தொலைக்காட்சியில் ஒளிபரப்பாகும் இஸ்மாமிய சமய நிகழ்ச்சியில் பிரபல சமய போதகர் டாக்டர் ரிடுவான் தே பங்கேற்பதிலிருந்து தடுப்பதற்கான எந்த உத்தரவும் பிறப்பிக்கவில்லை.
அந்த சமய போதகருக்கு எதிராக தாங்கள் தடை விதித்தாக கூறப்படுவதை மறுத்த தொடர்பு மற்றும் இலக்கவியல் துறை அமைச்சர் ஃபாஹ்மி ஃபாட்சில், அது தனது அதிகார வரம்பிற்கு அப்பாற்பட்டது எனக் கூறினார்.
இன்று இங்கு நடைபெற்ற தொடர்பு மற்றும் இலக்கவியல் அமைச்சின் பணியாளர்களுடனான சந்திப்பு நிகழ்வுக்குப் பின்னர் செய்தியாளர்களிடம் அவர் இதனைத் தெரிவித்தார்.
அந்த சமய நிகழ்வின் முக்கிய பங்கேற்பாளர்கள் பட்டியலில் இருந்து ரிடுவான் தே நீக்கப்பட்டு அவருக்கு பதிலாக மற்றொரு பிரபல சமய போதகர் ஹர்யாந்தோ ரிசால் ரோக்மான் நியமிக்கப்பட்டுள்ளதாக நேற்று ஊடகங்கள் செய்தி வெளியிட்டிருந்தன.
